Assalamu alaykum,

qadrli tumandoshlar!

30-iyul - “Xalqlar do‘stligi kuni” munosabati bilan tumanimizda istiqomat qilayotgan barcha qardosh millat vakillari va tumandoshlarimizni bugungi bayram bilan samimiy muborakbod etaman!

Bugungi kunda mamlakatimizda 130 dan ortiq millat va elat vakillari yakdil, ahil bo‘lib yashayotgani, har bir insonning hayotiy manfaatlari hamda ezgu maqsadlari ro‘yobi uchun teng va keng imkoniyatlar yaratib berilgani alohida e’tirofga hamda ibratga loyiq. Milliy madaniy markazlarning samarali faoliyat olib borishi uchun har tomonlama ko‘maklashilayotgani turli millat vakillarining o‘z ona tili, madaniyati, san’ati, hunarmandchiligi va milliy qadriyatlarini rivojlantirishida muhim o‘rin tutmoqda.

Yana bir bor, bugungi bayram bilan tabriklab, Siz, azizlarga mustahkam sog‘lik, tumanimiz, yurtimiz ravnaqi yo‘lidagi olijanob faoliyatingizda yangi zafarlar, oilaviy baxt, xonadonlaringizga fayzu baraka tilayman!

Barchamiz uchun yagona Vatan bo‘lgan jonajon O‘zbekistonimiz doimo omon bo‘lsin, hamisha gullab-yashnasin!