🐾 Veterinariya oyligi  

📅 18-apreldan 18-maygacha 

Xalq deputatlari Qo‘shko‘pir tuman
Kengashi raisi M. Tangriberganov va kotibiyat bosh mutaxassisi S. Matyaqbovalar
ishtirokida Qo‘shko‘pir tuman veterinariya bo‘limi faoliyati yuzasidan muhim
muhokama o‘tkazildi. Unda 2026-yilda Nizomda belgilangan tadbirlar ijrosi,
chorva mollarini ishonchli himoya qilish, xususan ularni turli kasalliklarga
qarshi emlash ishlarini tizimli yo‘lga qo‘yish masalalariga alohida e’tibor
qaratildi. 

Shuningdek, tumanda mavjud mol
so‘yish punktlarining qonuniyligi va sanitariya talablariga rioya etilishi yuzasidan
ham atroflicha tahlil qilindi. Mazkur masalalar bo‘yicha epizootolog Ulug‘bek
Rahimovning axboroti tinglanib, sohadagi mavjud muammolar va ularni bartaraf
etish bo‘yicha aniq vazifalar belgilab olindi. 

Yig‘ilish davomida aholi
salomatligini muhofaza qilish, oziq-ovqat xavfsizligini ta’minlash hamda
veterinariya sohasida davlat siyosatini samarali amalga oshirish ustuvor vazifa
sifatida qayd etildi.