Haftalik ish rejaga muvofiq, Korrupsiyaga qarshi kurashish va xavfsizlik masalalari bo‘yicha doimiy komissiyaning navbatdagi yig‘ilishi bo‘lib o‘tdi.

Yig‘ilishda komissiya a’zolari bilan bir qatorda Kotibiyat mudiri M.O‘razbayev, kotibiyat bosh mutaxassisi Z.Darmonov hamda tuman hokimligi devonxona mudiri J.Yo‘ldashev ishtirok etdi.

Kun tartibiga muvofiq, xalq murojaatlari bilan ishlash tizimini yangi bosqichga olib chiqish, murojaatlarni o‘z vaqtida va sifatli ko‘rib chiqish, shuningdek, jamoatchilik fikrini chuqur tahlil qilish masalalari yuzasidan batafsil hisobot taqdim etildi.

Muhokamalar davomida tizimni yanada takomillashtirish, ochiqlik va shaffoflikni ta’minlash, aholining ishonchini mustahkamlashga qaratilgan taklif va tavsiyalar bildirildi.

Yig‘ilish yakunida belgilangan vazifalar ijrosini ta’minlash bo‘yicha tegishli qarorlar qabul qilindi.