Туман чиқинди сувларни тозалаш иншоотидаги муаммо депутат эътиборидан четда қолмади.

Жорий йилнинг апрел ойида депутат И.Жўраевга туман чиқинди сувларни тозалаш иншооти (ТЧСТИ) қарийб олти ойдан бери ишламаётгани ҳақида мурожаат келиб тушди.

Муаммони жойига чиқиб ўрганган депутат, ҳолатни вилоят Кенгаши УзЛиДеП депутатлик гурухи йиғилишда кўтарди. Хусусан, вилоят сув хўжалиги раҳбарининг ўринбосарига ТЧСТИдаги муаммо юзасидан депутат томонидан шикоят киритилди.

Шикоятдан сўнг, вилоятдан келган мутахассислар томонидан ТЧСТИдаги муаммонинг 80 фоизи бартараф этилди. Иншоотнинг "компьютер мияси" бўлган прагмадаги носозлик туфайли, у Тошкент шаҳрига таъмирга олиб кетилди. Мутахассислар, уни 10 кун ичида таъмирлаб, қайта ўрнатишни ваъда қилишди.

Депутат И.Жўраев таъмирлаш ишларини шахсан назоратига олди ва ушбу муаммонинг тўлиқ бартараф этилишини таъминлашга ваъда берди.

——————————————

@Qorgontepa_Kengashi