Uchrashuv davomida O‘RQ–406-sonli Qonunning 4- va 5-moddalarida belgilangan yoshlar tashabbuslarini qo‘llab-quvvatlash, ularning huquq va qonuniy manfaatlarini ta’minlash, bandligini oshirish, sifatli ta’lim olishi, kasb-hunar egallashi hamda bo‘sh vaqtini mazmunli tashkil etishga oid masalalar yuzasidan tushuntirishlar berildi.

Shuningdek, yoshlarning huquqiy ongi va madaniyatini yuksaltirish, o‘z huquqlarini bilish va ulardan qonuniy foydalanish, jamiyat hayotida faol ishtirok etish hamda mavjud imkoniyatlardan samarali foydalanishning ahamiyati alohida ta’kidlandi.

Ochiq muloqot jarayonida yoshlar o‘zlarini qiziqtirgan savollarni o‘rtaga tashlab, taklif va muammolarini bildirdilar. Ularning fikrlari tinglanib, ko‘tarilgan masalalarni o‘rganish, tegishli tashkilotlar bilan hamkorlikda hal etish hamda yoshlar manfaatlariga daxldor masalalarni deputatlik nazoratiga olish yuzasidan fikr almashildi.

Uchrashuv yakunida yoshlar bilan muntazam muloqotni davom ettirish, ularning tashabbuslarini qo‘llab-quvvatlash va qonunchilikda belgilangan huquq hamda imkoniyatlar haqida huquqiy tushuntirish ishlarini kuchaytirish muhimligi qayd etildi.