#_deputat_faoliyati
#_24_ta_masala
#_162_ta_qonun
Hududdagi markaziy kutubxona faoliyati va qonun ijrosi deputat nazoratida

Xalq deputatlari Sariosiyo tumani Kengashiga “23-Aeroport” saylov okrugidan saylangan deputat N.Chorshanbiyeva, tuman Kengashi huzuridagi “Yoshlar maslahat guruhi” rahbari D.Sattorov hamda tuman Kengashi kotibiyati bosh mutaxassisi N.Hamdamovalar tomonidan “Mirzo Ulug‘bek” mahallasi hududida joylashgan Markaziy kutubxona faoliyati o‘rganildi.

O‘rganish davomida Markaziy kutubxonaning faoliyati, kitobxonlarga yaratilayotgan sharoitlar, aholi, ayniqsa, yoshlarni kitob mutolaasiga keng jalb etish borasida amalga oshirilayotgan ishlar hamda O‘zbekiston Respublikasining 2021-yil 20 yanvardagi “Madaniy faoliyat va madaniyat tashkilotlari to‘g‘risida”gi O‘RQ-668-sonli Qonuni ijrosi tahlil qilindi.

Shuningdek, kutubxonada kitob fondini boyitish, adabiyotlarni saqlash va kitobxonlarga xizmat ko‘rsatish sifati, elektron xizmatlardan foydalanish imkoniyatlari, yoshlar bilan ishlash samaradorligi hamda ma’naviy-ma’rifiy tadbirlarni tashkil etish holatiga alohida e’tibor qaratildi.

O‘rganish jarayonida aniqlangan kamchilik va muammolarni bartaraf etish, kutubxona faoliyatini yanada takomillashtirish, aholiga ko‘rsatilayotgan axborot-kutubxona xizmatlari sifatini oshirish yuzasidan mas’ullarga tegishli tavsiya va takliflar berildi.

Deputatlik nazorati doirasida belgilangan vazifalarning ijrosi, aniqlangan muammolarni bartaraf etish bo‘yicha ko‘rilgan choralar hamda qonun talablarining amalda ta’minlanishi keyingi o‘rganishlarda nazoratga olinadi.