YOQILG‘I-ENERGETIKA RESURSLARI SOHASIDAGI QONUNCHILIK IJROSI DEPUTATLAR NAZORATIDA
Xalq deputatlari Pastdarg‘om tumani Kengashi Agrar, suv xo‘jaligi va ekologiya masalalari bo‘yicha doimiy komissiyasi ishchi guruhi tomonidan O‘zbekiston Respublikasi Vazirlar Mahkamasining 2026-yil 15-maydagi 243-son qarori — “Yoqilg‘i-energetika resurslari narxlarini belgilash to‘g‘risida”gi qarori ijrosi yuzasidan deputatlik nazorati tadbirlari olib borilmoqda.
Jumladan, doimiy komissiya raisi F.Turayev tomonidan hududdagi yoqilg‘i-energetika resurslari bilan bog‘liq holat joyiga chiqib o‘rganildi.
🔎 O‘rganish davomida yoqilg‘i-energetika resurslari narxlarining belgilangan tartibda qo‘llanilishi, iste’molchilarga xizmat ko‘rsatish holati, narxlar bo‘yicha aholiga ma’lumotlarning ochiqligi hamda amaldagi qonunchilik talablariga rioya etilishi masalalariga alohida e’tibor qaratildi.
Shuningdek, aniqlangan muammo va kamchiliklarni bartaraf etish, qonunchilik talablariga rioya etilishini ta’minlash yuzasidan mas’ullarga tegishli tavsiyalar berildi.
📌 Deputatlik nazorati — qonunchilik ijrosini ta’minlash va fuqarolar manfaatlarini himoya qilishning muhim vositasidir.