"Munchoqtepa" mahalla fuqarolar yig‘inida istiqomat
qiluvchi fuqarolar bilan o‘tkazilgan uchrashuvlar va o‘rganishlar
davomida mahallada quyidagi dolzarb muammolar mavjudligi aniqlandi:
Pahlavon Mahmud ko‘chasining 1 km qismini asfaltlashtirish zarur. Mazkur ko‘chaning ta’mirtalab holatda ekanligi transport vositalari harakati va aholi uchun qator noqulayliklarni keltirib chiqarmoqda.
Juvalalang ko‘chasining 1 km qismini asfaltlashtirish hamda ushbu ko‘chaga 20 dona elektr uzatish ustuni (stolba) o‘rnatishga ehtiyoj mavjud. Mazkur holat fuqarolarning xavfsiz harakatlanishi va hududni elektr ta’minoti bilan bog‘liq infratuzilmani yaxshilash uchun muhim ahamiyatga ega.
Yuqoridagilarni inobatga olib, mazkur masalalarni joyiga chiqib
o‘rganishingiz, ularni tegishli dasturlarga kiritish imkoniyatlarini ko‘rib chiqishingiz hamda amalga oshiriladigan chora-tadbirlar va qabul qilingan qarorlar haqida 10 kun muddatda yozma ravishda ma’lumot taqdim etishingizni so‘rayman.
"Munchoqtepa" mahallasida ushbu muammoni hal etish maqsadida Tuman hokimi o‘rinbosariga “Deputatlik so‘rovi” yuborildi.