Mahalliy Kengash deputati sifatida ushbu ezgu tashabbusni yuksak qadrlayman. Mahalla faollari, yoshlar va keng jamoatchilikning bir maqsad yo‘lida birlashib, qabristonlar hududini tartibga keltirayotgani, obodonlashtirish ishlarida faol ishtirok etayotgani yuksak fuqarolik mas’uliyati namunasidir.
Bugungi kunda qabristonlarda hasharlar tashkil etilib, hududlar begona o‘t va chiqindilardan tozalanmoqda, qabrlar atrofi tartibga keltirilmoqda, daraxt va manzarali gullar ekilib, yo‘laklar obod qilinmoqda. Shuningdek, hududlarni devor bilan o‘rash va ziyoratchilar uchun qulay sharoitlar yaratish bo‘yicha ham muhim ishlar amalga oshirilmoqda.
Bu kabi xayrli ishlar nafaqat qabristonlarning obod qiyofasini ta’minlaydi, balki yosh avlod qalbida muqaddas qadamjolarga ehtirom, poklik va jamoatchilik mas’uliyati kabi yuksak fazilatlarni mustahkamlaydi.
Barcha faollar, hashar qatnashchilari va bu xayrli ishlarga hissa qo‘shayotgan yurtdoshlarimizga samimiy minnatdorlik bildiraman. Birgalikdagi say-harakatlarimiz bilan tumanimiz yanada obod, ozoda va fayzli maskanga aylanib boradi.

Mamadiyev Shoxruxmirzo
Xalq deputatlari Qumqo’rg’on tuman kengashi deputati