Toshkent tibbiyot akademiyasi Termiz filialida korrupsiyaga qarshi kurashish hududiy Kengashi hamda universitetning Korrupsiyaga qarshi kurashish "Komplayens nazorat" tizimini boshqarish bo‘limi hamkorligida joriy yil dekabr oyi "Antikorrupsiya haftaligi" doirasida davra suhbati o'tkazildi.

Davra suhbatida korrupsiyaga qarshi kurashish hududiy Kengashi raisi o'rinbosari A.Axmedov, Toshkent tibbiyot akademiyasi Termiz filiali yoshlar masalalari va ma'naviy-ma'rifiy ishlar bo'yicha direktor o'rinbosari A.Raxmonov, Termiz shahar adliya boʻlimi yuridik xizmat koʻrsatish markazi bosh yuriskonsulti D.Shukurov, Viloyat Ichki ishlar boshqarmasi korrupsiya va iqtisodiy jinoyatlarga qarshi kurashish bo'limi xodimi J.Nafasov hamda talaba yoshlar ishtirok etdi.

Davra suhbatida ta'lim tizimida uchrayotgan korrupsiyaviy holatlar va ularning oldini olish borasidagi ishlar haqida ma'lumotlar berildi. Ta'lim muassasasi-ziyo, ma'naviyat va ma'rifat maskani bo‘lib, unda korrupsiya va shunga o‘xshash ko‘ngilsiz holatlar kuzatilmasligi haqida so‘z yuritildi.

Har bir xodim o‘z kasbi va xizmat vazifasiga halollik bilan yondashishi ta'kidlanib, ta'lim-tarbiya tizimi ochiq va shaffof tizimga aylanishi bo‘yicha amalga oshiriladigan chora-tadbirlar belgilandi.