Konstitutsiyasi kuni munosabati bilan ma‘naviy-ma‘rifiy tadbir o‘tkazildi.

Konstitutsiya – davlatning asosiy qonuni. U davlat tuzilishini, hokimiyat va boshqaruv organlari tizimini, ularning vakolati hamda shakllantirilish tartibi, saylov tizimi, fuqarolarning huquq va erkinliklari, jamiyat va shaxsning o‘zaro munosabatlari, shuningdek, sud tizimini hamda davlat va jamiyatning o‘zaro munosabatlarini belgilab beradi.

Bugun aynan ushbu sa'nada 8-dekabr Konstitutsiya qabul qilinganligining 32 yilligi munosabati bilan "Konstitutsiya-xalqchil davlat, barqaror taraqqiyot va farovon hayot asosi" degan shior ostidagi bayram tadbiri tashkil etildi.

Xalq deputatlari tuman Kengashi deputatlari, tuman sektor rahbarlari, hokimlik va tuman tashkilotlari mas'ullari, keng jamoatchilik ishtirokida o'tgan bayram tadbirida so'z olganlar tumanda amalga oshirilayotgan ishlar, erishilgan yutuqlarni e'tirof etdi. Barchani bayram bilan tabriklashdi.

Jarayonda, tuman madaniyat bo'limi tomonidan taqdim egilgan sahna ko'rinishlari, konsert dasturi barchaga ko'tarinki kayfiyat ulashdi.