Xalq deputatlari Taxiatosh tumani Kengashi raisi, Oʻzbekiston Liberal-demokratik partiyasidan saylangan deputat Xidirbayev Rashid Xidirbayevich tomonidan Taxiatosh tumani Tibbiyot birlashmasida aholiga bepul beriladigan dori vositalari bilan ta’minlash holati yuzasidan o‘rganish ishlari olib borildi.

O‘rganish davomida tibbiyot birlashmasida mavjud dori vositalarining elektron ro‘yxati ko‘zdan kechirilib, ularning hisobini yuritish hamda aholiga yetkazib berish jarayonlari tahlil qilindi.

👥 Mas’ul xodimlar bilan suhbat o‘tkazilib, dori ta’minoti tizimini yanada takomillashtirish, mavjud kamchiliklarni bartaraf etish va fuqarolarga sifatli tibbiy xizmat ko‘rsatishni ta’minlash yuzasidan tavsiyalar berildi.

📍 Aholining dori vositalariga bo‘lgan ehtiyojini o‘z vaqtida qondirish hamda tibbiy xizmatlar sifati ustidan jamoatchilik nazoratini kuchaytirish muhim vazifalardan biri bo‘lib qolmoqda.