Qonun ijrosi amalda 

Xalq deputatlari Qo‘shko‘pir tuman Kengashi deputati A. Jumaniyozov
Qo‘shko‘pir tuman sport maktabi o‘quvchilari bilan uchrashuv o‘tkazib,
O‘zbekiston Respublikasining 2016-yil 14-sentabrda qabul qilingan “Yoshlarga
oid davlat siyosati to‘g‘risida”gi O‘RQ–406-son Qonuni mazmun-mohiyati
haqida batafsil tushuntirish berdi. Mazkur qonun yoshlarning huquq va
manfaatlarini himoya qilish, ularning intellektual salohiyatini yuksaltirish,
vatanparvarlik ruhida tarbiyalash hamda davlat va jamiyat hayotidagi faolligini
oshirishga qaratilgan muhim huquqiy asos hisoblanadi. Uchrashuv davomida
deputat mamlakatimizda amalga oshirilayotgan yoshlar siyosati Yangi O‘zbekiston
taraqqiyot strategiyasining ustuvor yo‘nalishlaridan biri ekanligini alohida ta’kidladi.
 

Tadbir yakunida o‘quvchilar tomonidan berilgan savollarga atroflicha javob
berilib, ularni Vatanga sadoqat, qonunlarga hurmat va yuksak fuqarolik
mas’uliyati ruhida kamol topishga chaqirildi. Ta’kidlanganidek, yoshlarning
bilimli, jismonan sog‘lom va siyosiy-ijtimoiy faol bo‘lib voyaga yetishi
mamlakatimizning kelgusi taraqqiyoti va farovonligining muhim omili
hisoblanadi.