Xalq deputatlari Mirzo Ulug‘bek tumani Kengashi “Kamolot” okrugi deputati Kim Vitaliy Gennadevich tomonidan fuqarolarning turar joylaridagi mavjud muammolar yuzasidan murojaatlari joyiga chiqib o‘rganildi.

Xususan, fuqaro uyining hovlisi hududidan uzoq yillardan beri hech qanday tasdiqlanmagan loyiha, texnik shart va qonuniy asoslarsiz issiq suv, sovuq suv va isitish tizimining tranzit magistralining quvurlari mavjudligi, xozirda esa ushbu quvurlar eskirganligi sababli xavf tug‘dirish holatlari yuzaga kelayotganligini aytib, mavjud holatlarni ko‘rsatdi.

Deputat fuqaroga murojaatni mutasaddi tashkilot vakillari bilan ko‘rib chiqishini aytib, mavjud holatlar yuzasidan deputatlik so‘rovlarini yubordi.