#Doimiy_komissiya_faoliyati

Xalq deputatlari Toshkent viloyati Kengashining tasdiqlangan ish rejasiga muvofiq, Yoshlar siyosati, madaniyat va sport masalalari bo‘yicha doimiy komissiya raisi Gulira'no Umarova tomonidan viloyatdagi madaniyat va sport tashkilotlari faoliyati o‘rganildi.

O‘rganish jarayonida madaniyat markazlari, sport maktablari hamda sohadagi boshqa muassasalarda aholiga ko‘rsatilayotgan xizmatlar sifati, mavjud infratuzilmaning holati, yoshlarning madaniy va sport tadbirlariga jalb etilish darajasi, to‘garaklar va seksiyalar faoliyati, shuningdek, davlat dasturlari ijrosi yuzasidan belgilangan vazifalarning bajarilishi savolnoma asosida tahlil qilindi.

Shu bilan birga, muassasalarda mavjud muammo va kamchiliklar aniqlanib, ularni bartaraf etish, moddiy-texnik bazani mustahkamlash hamda aholiga ko‘rsatilayotgan xizmatlar sifatini yanada oshirish bo‘yicha tegishli taklif va tavsiyalar ishlab chiqildi.

Mazkur o‘rganish natijalari doimiy komissiya yig‘ilishida muhokama qilinib, aniqlangan masalalar yuzasidan tegishli tashkilotlarga deputatlik nazorati doirasida tavsiyalar kiritilishi belgilandi.

📱 Telegram 📱 Instagram 📱 Facebook