Deputat nazoratidagi masala ijobiy hal etildi

🇺🇿 Xalq deputatlari Uchtepa tumani Kengashi deputati Shanoza Mustafayeva tomonidan 26-mavze, “Shirin” MFY aholisidan kelib tushgan murojaatlar o‘rganildi. Murojaatlarda hududdagi qurib qolgan daraxtlarni kesish hamda ayrim daraxtlarga shakl berish (butalash) masalalari ko‘tarilgan edi.

💬 Deputat tomonidan masala tegishli tashkilotlar bilan muhokama qilinib, ijrosi nazoratga olindi. Natijada tuman Obodonlashtirish boshqarmasi hamda hududga mas’ul boshqaruv servis kompaniyasi tomonidan amaliy ishlar olib borildi.

💼 Bajarilgan ishlar davomida 20 dan ortiq qurib qolgan daraxtlar kesilib, hududdagi bir qator daraxtlar butalandi va tartibga keltirildi. Mazkur ishlarning sifatli va o‘z vaqtida bajarilishi xalq deputatlari Uchtepa tumani Kengashi kotibiyati mudiri Anvar Usmanov tomonidan ham nazorat qilinmoqda.

🔼 Amalga oshirilgan ishlar mahalla aholisining murojaatlari asosida hudud obodonligini ta’minlash va xavfsiz muhit yaratishga xizmat qilmoqda.