Mahallada aholini ijtimoiy qo’llab-quvvatlash ishlarining samaradorligini oshirish maqsadida 11-Toshrabot saylov okrugi deputati M.Umurova tomonidan Urganjiyon MFY ijtimoiy xodimining faoliyati o’rganildi. O’rganish davomida ijtimoiy xizmatlar ko’rsatish bo’yicha yuritilayotgan ish hujjatlari ko’zdan kechirilib, amalga oshirilayotgan ishlar tahlil qilindi.
Shuningdek, ijtimoiy himoyaga muhtoj, kam ta’minlangan va yordamga ehtiyoji bor fuqarolar xonadoniga tashrif buyurilib, ularning turmush sharoiti hamda mavjud muammolari o’rganildi. Suhbatlar davomida fuqarolarning murojaat va takliflari tinglanib, ularni hal etish yuzasidan tegishli chora-tadbirlar belgilab olindi.
Bunday manzilli uchrashuvlar aholining ijtimoiy muhofazasini kuchaytirish, ehtiyojmand oilalarni har tomonlama qo’llab-quvvatlash hamda ularning hayot sifatini yaxshilashga xizmat qiladi.