Xalq deputatlari Shovot tumani Kengashi deputati Masharipov Izzat Masharipovich tomonidan Qo‘shko‘pir mahallasida ishsizlik va kambag‘allikni qisqartirish, aholiga sifatli ijtimoiy xizmatlar ko‘rsatish hamda ijtimoiy infratuzilmani rivojlantirishga qaratilgan faoliyat rejasi doirasida navbatdagi deputatlik nazorati amalga oshirildi.
O‘rganish davomida “Ochiq budjet” (Open Budget) portali orqali 2026-yil 1-mavsumida g‘olib bo‘lgan loyiha asosida Qo‘shko‘pir mahallasining ichki ko‘chalarida amalga oshirilgan ishlarning holati joyiga chiqib nazorat qilindi.
ASOSIY E’TIBOR — AHOLI MANFAATIGA
Nazorat jarayonida loyiha doirasida bajarilgan ishlarning amaldagi holati, belgilangan hududlarni qamrab olganligi, ishlarning sifatli va o‘z vaqtida bajarilgani hamda yaratilgan infratuzilmaning aholiga qulaylik yaratish darajasi ko‘zdan kechirildi.
Shuningdek, mahalla aholisi bilan muloqot qilinib, amalga oshirilgan ishlar yuzasidan ularning fikr-mulohazalari va takliflari o‘rganildi.
“Ochiq budjet” tizimi orqali fuqarolar tashabbusi asosida amalga oshirilayotgan bunday loyihalar mahallalarda mavjud muammolarni manzilli hal etish, aholi uchun qulay shart-sharoitlar yaratish va hudud infratuzilmasini yaxshilashda muhim ahamiyat kasb etmoqda.
Deputatlik nazorati davomida aniqlangan holatlar yuzasidan tegishli xulosa va takliflar shakllantirilib, ishlarning samaradorligi hamda natijadorligini ta’minlash masalalari nazoratga olindi.
Deputatlik nazorati — xalq mablag‘larining maqsadli sarflanishi va har bir loyiha aholiga amaliy naf keltirishining muhim kafolatidir.
🏛 Xalq deputatlari Shovot tumani Kengashi
Telegram | Web-sayt | Facebook | You tube | Instagram