#deputat_okrugida
#murojaatlar_daftari
#kotibiyat_xodimi_faoliyati

“Zarbdor” mahallasida fuqarolar murojaatlari o‘rganildi

Xalq deputatlari tuman Kengashiga 19-“Zarbdor” saylov okrugidan saylangan deputat — tuman Kengashi kotibiyati bosh mutaxassisi J.Donayev o‘z saylov okrugidagi “Zarbdor” mahallasida bo‘lib, fuqarolar bilan uchrashdi hamda ularning murojaat va takliflarini tingladi.

Uchrashuv davomida mahallaning A.Navoiy ko‘chasida istiqomat qiluvchi aholi tomonidan ko‘chani asfaltlash masalasida murojaatlar bildirildi. Fuqarolar yo‘lning mavjud holati, aholi uchun yuzaga kelayotgan noqulayliklar hamda ko‘chani ta’mirlash va asfaltlash zarurligi yuzasidan o‘z takliflarini bildirdilar.

Mazkur murojaatlar deputatning murojaatlar daftariga qayd etilib, masalani tegishli tashkilotlar bilan hamkorlikda o‘rganish, ko‘chani asfaltlash imkoniyatlarini ko‘rib chiqish hamda muammoni hal etish yuzasidan tegishli choralar ko‘rish belgilandi.

Shuningdek, masalani hal etish jarayonida zarur hollarda tegishli tashkilotlarga deputat so‘rovi yuborish belgilandi.
Murojaatning ijrosi deputatlik nazorati doirasida kuzatib boriladi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram