Xalq deputatlari Uchquduq tuman Kengashi kotibiyat mudiri M.Kamolova tomonidan Uchquduq tuman Davlat xizmatlari markazi hamda FHDYO bo‘limlarida fuqarolarga davlat xizmatlari ko‘rsatilishi holati o‘rganildi.

O‘rganishlar davomida fuqarolar uchun yaratilgan shart-sharoitlar, murojaatlarni qabul qilish va ko‘rib chiqish jarayonlari, xizmatlarning qonunchilikda belgilangan muddatlarda ko‘rsatilishi hamda xizmat ko‘rsatish sifati yuzasidan monitoring olib borildi.

Shuningdek, xizmatlardan foydalanayotgan fuqarolar bilan suhbatlar o‘tkazilib, ularning fikr va takliflari tinglandi. Aniqlangan ayrim masalalar yuzasidan tegishli tavsiyalar berildi hamda xizmatlar sifatini yanada oshirish bo‘yicha takliflar ishlab chiqildi.

✅ Fuqarolarga qulay, tezkor va sifatli davlat xizmatlarini ko‘rsatish ustidan jamoatchilik va deputatlik nazorati davom ettiriladi.