Халқ депутатлари Наманган вилояти Кенгаши котибияти мудири Т. Гаппаров, вилоят Кенгаши депутатлари Х. Қудратова, М. Султанова ва Ғ. Хамдамов, туман Кенгаши котибияти мудири Д.Валиевалар томонидан Косонсой туманидаги “Гулобод” маҳалла фуқаролар йиғинида ўрганиш ишлари олиб борилди.

Ўрганиш жараёнида маҳалладаги “еттилик” тизими фаолияти атрофлича кўриб чиқилиб, унинг иш самарадорлиги, аҳоли муаммоларини аниқлаш ва ҳал этишдаги иштироки таҳлил қилинди. Шунингдек, маҳаллада амалга оширилаётган ижобий тажрибалар ўрганилиб, уларни бошқа ҳудудларда ҳам жорий этиш имкониятлари муҳокама қилинди.

Ўрганиш давомида аҳолини қийнаётган долзарб муаммолар ўрганилиб, уларни бартараф этиш бўйича аниқ чора-тадбирлар белгилаб олинди. Масъулларга маҳалла фаолиятини янада самарали ташкил этиш, аҳоли билан ишлаш сифатини ошириш ҳамда ижтимоий масалаларни тизимли ҳал этиш юзасидан тегишли кўрсатма ва тавсиялар берилди.