Deputatlar maktablardagi sport sharoitlarini ko‘zdan kechirdi

🔵Xalq deputatlari Uzun tumani Kengashining haftalik ish rejasiga muvofiq, Kengash kotibiyati mudiri O‘.Rajabov hamda deputatlar S.Rajabova va T.Ashurovalar ishtirokida 9-“Xatib qahramon” saylov okrugida o‘rganish ishlari olib borildi.

Ishchi guruh hududdagi 18-sonli umumta’lim maktabida bo‘lib, u yerda yoshlarning sport bilan shug‘ullanishlari uchun yaratilgan sharoitlar bilan tanishdi. Xususan, O‘zbekiston Respublikasi Oliy Majlisi Senati tomonidan taqdim etilgan 24 ta muhim tavsiyaning ijro etilishi holati tahlil qilindi.

O‘rganish davomida quyidagilarga asosiy e’tibor qaratildi:

Maktabning sport anjomlari bilan ta’minlanganlik darajasi;

Senat tavsiyalari asosida moddiy-texnik bazani mustahkamlash choralari;

O‘quvchi-yoshlarning bo‘sh vaqtini mazmunli tashkil etishda mavjud imkoniyatlardan samarali foydalanish.