2026-jıl 10-aprel kúni Xalıq deputatları Taxtakópir rayonlıq KeńesinińJergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyası májilisi bolıp ótti.  

 Májilisti turaqlı komissiya baslıǵı S.Kayrzaeva ashıp berdi hám kún tártibindegi máseleler menen qısqasha tanıstırıp ótti.   

          Kún tártibinde tómendegi máseleler qaraldı:

         - "Ózbekstan - 2030" strategiyasınıń turaqlı ekonomikalıq ósiw arqalı xalıqtıń abadanlıģın támiyinlew boyınsha belgilengen maqsetlerdiń orınlanıwı hám aymaqlardı sociallıq-ekonomikalıq rawajlandırıw baģdarlamaların ámelge asırıw, byudjettiń dáramatlar bazasın asırıw hám jańa jumıs orınların jaratıw boyınsha rayon hákiminiń birinshi orınbasarınıń ámelge asırılģan jumısları haqqında;

        - Taxtakópir rayonlıq jergilikli byudjettiń qosımsha derekleri esabınan qarjı ajıratıw haqqında rayon hákimliginiń usınısı haqqında;

        - Taxtakópir rayonı aymaǵındaǵı jámi 347 turaq jaylarǵa bolǵan huqıqları tán alınǵan qarar qosımshasında 35 puqaranıń atı, familiyası hám ákesiniń atında qátelik ketkenligi sebepli Keńes sheshimine ózgeris kiritiw haqqında máseleler qarap shıǵılıp, hár tárepleme dodalanıp, bildirilgen pikir-usınıslar tiykarında rayonlıq Keńestiń gezektegi sessiya májilisine usınıw boyınsha sheshim qabıl etildi.