Xalq deputatlari Qo‘qon shahar Kengashi deputati M.Axmedova tomonidan fuqaro murojaati asosida navbatdagi deputatlik so‘rovi yuborildi.

Saylovchilar bilan o‘tkazilgan uchrashuvlar va qabullar davomida Qo‘qon shahar “Qo‘shchinor” mahalla fuqarolar yig‘ini Toshpo‘lat O‘razqul ko‘chasi 21-uyda istiqomat qiluvchi fuqaro M.Meliboyeva tomonidan tadbirkorlik faoliyatini yo‘lga qo‘yish va rivojlantirish maqsadida kredit ajratish bo‘yicha murojaat qilindi.

Murojaatda fuqaroning o‘z tadbirkorlik faoliyatini yo‘lga qo‘yishi va kengaytirishi uchun imtiyozli kredit ajratilishida amaliy ko‘mak ko‘rsatilishi so‘ralgan.

Shu munosabat bilan deputat tomonidan Qo‘qon shahar Kambag‘allikni qisqartirish va bandlikka ko‘maklashish bo‘limi boshlig‘i M.Axmedovga deputatlik so‘rovi yuborildi.

Deputatlik so‘rovida:
Qo‘qon shahar “Qo‘shchinor” MFY Toshpo‘lat O‘razqul ko‘chasi 21-uyda istiqomat qiluvchi fuqaro M.Meliboyevaga tadbirkorlik faoliyatini yo‘lga qo‘yish va rivojlantirish maqsadida kredit ajratish masalasi qachon hal etilishi yuzasidan batafsil ma’lumot berilishi so‘ralgan.

Mazkur masala deputat nazoratiga olingan bo‘lib, deputatlik so‘roviga qonunchilikda belgilangan tartibda javob taqdim etilishi hamda murojaat yuzasidan amalga oshirilgan ishlar haqida qo‘shimcha ma’lumot berib boriladi.

Xalq deputatlari Qo‘qon shahar Kengashi