Deputat hududdagi muammolar yuzasidan ko‘chaboshilar bilan muloqot o‘tkazdi

📍Xalq deputatlari Samarqand viloyati Kengashi deputati S. Allayorova Bulung‘ur tumanidagi 14-Mingchinor saylov okrugi hududida joylashgan Mingchinor mahallasida bo‘lib, mahalla ko‘chaboshilari bilan uchrashuv o‘tkazdi.

✔️ Muloqot davomida hududda mavjud muammolar, aholini qiynab kelayotgan masalalar hamda ularning yechimiga oid takliflar muhokama qilindi.

➡️Xususan, infratuzilmani yaxshilash, kommunal xizmatlar sifati, obodonlashtirish ishlari, aholi bandligi va fuqarolar turmush sharoitini yanada yaxshilash bilan bog‘liq masalalar yuzasidan fikr almashildi.

🌀 Ko‘chaboshilar tomonidan bildirilgan murojaat va takliflar deputat tomonidan atroflicha o‘rganilib, ularni hal etish yuzasidan tegishli tashkilotlar bilan hamkorlikda amaliy choralar ko‘rish zarurligi ta’kidlandi.

⚡️ Uchrashuv yakunida ko‘tarilgan masalalarni bosqichma-bosqich hal etish, fuqarolar bilan doimiy muloqotni yo‘lga qo‘yish hamda hududdagi muammolar yechimini ta’minlash bo‘yicha tegishli vazifalar belgilab olindi.