Xalq deputatlari Toshkent shahar Kengashi deputati Sanakulov Umid Quvondiqovich  tashabbusi bilan “Yashil makon” umummilliy loyihasi doirasida Shayxontohur tumanidagi 588-sonli maktabgacha taʼlim tashkilotida daraxt ekish tadbiri tashkil etildi.

Mazkur loyihada tuman deputatlari, ijtimoiy soha vakillari, mahalla faollari ishtirok etishdi. 

Ushbu tashabbus atrof-muhitni muhofaza qilish, bolajonlarda tabiatga mehr va masʼuliyat tuygʻusini shakllantirishga xizmat qiladi. Tadbir davomida tarbiyalanuvchilar, ustozlar va faollar birgalikda koʻchat ekib, yashil hududni yanada kengaytirishga oʻz hissalarini qoʻshdilar.

Tadbir yakunida deputat U.Sanakulov tomonidan kelajak avlod uchun sof va musaffo tabiatni asrash — barchamizning umumiy vazifamiz ekanligini ta'kidlab o'tildi.