Xalq deputatlari Qo‘qon shahar Kengashi deputati J.Xusanov tashabbusi hamda “G‘ishtko‘prik” mahalla fuqarolar yig‘ini “mahalla yettiligi” hamkorligida yangi o‘quv yili arafasida ehtiyojmand oilalarni qo‘llab-quvvatlash bo‘yicha xayrli amaliy ishlar amalga oshirildi.

Tadbirning asosiy maqsadi mahallada istiqomat qiluvchi ehtiyojmand oilalarning farzandlarini yangi o‘quv yiliga munosib tayyorlash, ularning ta’lim olishi uchun zarur sharoitlar yaratish hamda oilalarning moddiy yukini yengillashtirishdan iborat bo‘ldi.

Jumladan, mahallada yashovchi 7 nafar ehtiyojmand oilaning farzandlariga maktab formasi xarid qilish uchun jami 8 million 400 ming so‘m miqdorida mablag‘ ajratildi.

Ushbu amaliy ko‘mak bolalarning yangi o‘quv yilini munosib kutib olishiga, ta’lim olishga bo‘lgan qiziqishi va intilishini yanada oshirishga xizmat qiladi.

Bunday ezgu tashabbuslar ijtimoiy himoyaga muhtoj aholi vakillarini qo‘llab-quvvatlash, ularga mehr va e’tibor ko‘rsatish, ayniqsa, yosh avlodning sifatli ta’lim olishi uchun munosib sharoitlar yaratishga qaratilgan ishlarning amaliy ifodasidir.

Xalq deputatlari Qo‘qon shahar Kengashi