Xalq deputatlari Muzrabot tumani Kengashi kotibiyati mudiri Dilmurod Sherboyev hamda tuman Kengashi kotibiyati bosh mutaxassisi B. Xoliqov ishtirokida Xalq deputatlari Muzrabot tumani Kengashining 24-«Navbahor» saylov okrugidan saylangan deputati A. Suvanovning saylov okrugiga qarashli «Xalq yo‘li» mahallasida navbatdagi ko‘chama-ko‘cha o‘rganish tadbirlari o‘tkazildi.

O‘rganish davomida mahalladagi 12 ta ko‘cha bo‘ylab xonadonlarga tashrif buyurilib, aholi bilan yuzma-yuz muloqot qilindi. Fuqarolarning murojaat va takliflari tinglanib, ularni qiynab kelayotgan muammolar hamda ehtiyojlar o‘rganildi.

Tadbir mahalliy Kengash deputatlari faoliyatining 24 ta ustuvor yo‘nalishi doirasida tashkil etildi. Jarayonda aholi bandligi, tomorqa yerlaridan samarali foydalanish, ijtimoiy himoyaga muhtoj oilalarning turmush sharoiti, kommunal xizmatlar sifati, ichimlik suvi va elektr ta’minoti, ichki yo‘llar holati, obodonlashtirish ishlari, shuningdek, mahallada amalga oshirilayotgan bunyodkorlik ishlari atroflicha tahlil qilindi.

Shu bilan birga, aniqlangan kamchilik va muammolar manzilli ravishda qayd etilib, har bir masala yuzasidan amaliy choralar ko‘rish bo‘yicha mas’ullarga tegishli vazifalar belgilandi.