Tashrif davomida ta’lim muassasasida o‘quvchilar uchun yaratilgan shart-sharoitlar, musiqa cholg‘ulari bilan ta’minlanganlik holati, o‘quv jarayonining sifati hamda to‘garaklar faoliyati o‘rganildi.

Shuningdek, maktabda yoshlarning bo‘sh vaqtini mazmunli tashkil etish, ularning san’at va madaniyatga bo‘lgan qiziqishini oshirish borasida amalga oshirilayotgan ishlar yuzasidan mutasaddilar bilan muloqot o‘tkazildi.

Deputatlar tomonidan mavjud muammolar, jumladan moddiy-texnik bazani mustahkamlash, sinf xonalarini jihozlash va iste’dodli yoshlarni qo‘llab-quvvatlash masalalari muhokama qilinib, tegishli tashkilotlar bilan hamkorlikda amaliy choralar ko‘rish muhimligi ta’kidlandi.