🏛 Xalq deputatlari Guliston shahar Kengashining tegishli qaroriga muvofiq, shahar hokimligi huzuridagi “Infratuzilma va ijtimoiy barqarorlik” jamg‘armasi mablag‘lari hisobidan “Ijtimoiy reyestr”ga kiritilgan 14 ta xonadonda energiya samaradorligini oshirish hamda isitish tizimini yaxshilash ishlari amalga oshirilmoqda.

🔎 Mazkur jarayonlarning qay darajada va qanday sifatda bajarilayotganini o‘rganish maqsadida shahar Kengashi deputatlari J.Xolbayev, E.Abduraxmono, V.Xasanov hamda shahar "Inson markazi" rahbari T.Shomirovlardan iborat ishchi guruh tuzildi.

📝 Ishchi guruh tomonidan belgilangan tartibda joylarga chiqib o‘rganish ishlari olib borilishi, amalga oshirilayotgan ishlarning sifati, samaradorligi hamda belgilangan talablarga muvofiqligi tahlil qilinishi rejalashtirildi.

📌 O‘rganish yakunlari bo‘yicha aniqlangan holatlar yuzasidan tegishli xulosalar shakllantirilib, mas’ul tashkilotlarga zarur tavsiyalar berilishi ko‘zda tutilgan.