Xalq deputatlari Angor tuman Kengashi raisi tomonidan 24-tavsiya ijrosi doirasidan o‘rganish ishlari olib borildi. O‘rganish jarayonida maktabning kutubxona faoliyati ko‘zdan kechirilib, o‘quvchilar uchun yaratilgan kitob fondi, foydalanish imkoniyatlari hamda o‘qishga bo‘lgan qiziqishni oshirish bo‘yicha amalga oshirilayotgan ishlar tahlil qilindi. Shuningdek, sport zallari faoliyati ham o‘rganilib, o‘quvchilarning jismoniy tarbiya va sport bilan shug‘ullanishi uchun yaratilgan shart-sharoitlar yuqori darajada ekani qayd etildi. Bundan tashqari, maktabda Yo‘l harakati xavfsizligi xonasi tashkil etilgani va u zamonaviy jihozlar bilan ta’minlangani alohida e’tirof etildi. Ushbu xonada yuqori sinf o‘quvchilari o‘rtasida “Yashil chiroq” yo‘l harakati xavfsizligi tadbirlari muntazam ravishda o‘tkazilib kelinmoqda.Deputat tomonidan ushbu yo‘nalishdagi ishlarni yanada takomillashtirish bo‘yicha tegishli tavsiyalar berildi.