Xalıq deputatları Taxtakópir rayonlıq Keńesine ÓzLiDeP partiyasınan saylanǵan deputat Seytnazarova Zamira Abdikamalovna hám sekretariat qánigesi tárepinen rayondaǵı 6-sanlı ulıwma orta bilim beriw mektebine barıp, mektep kitapxana fondı, sonday-aq, oqıwshılardıń bos waqtın mazmunlı ótkeriw ushın jaratılǵan sharayatlar menen jaqınnan tanıstı.

Úyreniw dawamında balalardıń bos waqtın durıs hám paydalı shólkemlestiriw, olardıń kitap oqıwǵa bolǵan qızıǵıwshılıǵın arttırıw, qábiletlerin anıqlap, rawajlandırıw baǵdarında ámelge asırılıp atırǵan jumıslar keńnen dodalandı.

Sonday-aq, bul baǵdarda ámelge asırılıwı kerek bolǵan tiykarǵı wazıypalar belgilep alınıp, jaslar menen islesiw nátiyjeliligin bunnan bılay da arttırıw, olardıń bilimge, kitapqa hám dóretiwshilikke bolǵan qızıǵıwshılıǵın kúsheytiw boyınsha pikir alısıldı.