📌 Yakkasaroy tumanida manzilli o‘rganishlar, bandlikni ta’minlash va amaliy yordam ishlari olib borilmoqda

Xalq deputatlari Yakkasaroy tumani Kengashi 6-Armug‘on saylov okrugi deputati Yuldasheva Umida Tuxtamuradovna, Xalq deputatlari Yakkasaroy tumani Kengashi kotibiyati bosh mutaxassisi Adashboyev Aziz Ag‘zam o‘g‘li hamda “Armug‘on” mahalla fuqarolar yig‘ini “mahalla yettiligi” a’zolari bilan hamkorlikda hududda keng qamrovli o‘rganish ishlari olib borildi.

Mazkur o‘rganishlar aholining ijtimoiy-iqtisodiy holatini yaxshilash, mavjud muammolarni aniqlash va ularni manzilli hal etish maqsadida tashkil etildi. Jarayonda hokim yordamchisi Daminov Pardajon Dilshod o‘g‘li, mahallaga biriktirilgan ijtimoiy xodim Batirova Mazmuna Mirzaakbarovna, xotin-qizlar faoli Rasulova Dilnoza Saidaliyevna, yoshlar yetakchisi Qurbonboyev Nurali Yusupboy o‘g‘li hamda profilaktika inspektori Muxamadov Azizbek Madamin o‘g‘li faol ishtirok etdi.

O‘rganishlar davomida fuqaro Ivanova Milana Vasilevnaning bandlik holati ham atroflicha o‘rganildi. Aniqlanishicha, u “Astoria Butik” mas’uliyati cheklangan jamiyatiga rahbarlik qilib kelmoqda va doimiy daromad manbaiga ega bo‘lgan holda bandligi ta’minlangan.

Mazkur faoliyatni yo‘lga qo‘yishda hokim yordamchisi tomonidan amaliy ko‘mak ko‘rsatilgani, xususan, ish o‘rinlari bilan bog‘lash, zarur hujjatlarni rasmiylashtirish hamda faoliyatni yo‘lga qo‘yish jarayonida maslahatlar berilgani qayd etildi. Bu kabi manzilli yondashuvlar orqali fuqarolarning bandligini ta’minlash va ularning ijtimoiy ahvolini yaxshilashga alohida e’tibor qaratilayotgani ta’kidlandi.

Hududda aholi bandligini ta’minlash, ijtimoiy qo‘llab-quvvatlash hamda muammolarni manzilli hal etish bo‘yicha ishlar izchil davom ettirilmoqda. Mazkur yo‘nalishdagi ishlar deputat nazoratida ekani alohida ta’kidlandi.