Bozataw rayonı “Aspantay” APJ aymaǵındaǵı Porıltaw awılında puqaraları menen ótkerilgen ushırasıw dawamında aymaq turǵınları tárepinen bir qatar áhmiyetli mashqalalar kóterildi. Atap aytqanda, kúndelikli qatnap turǵan “Aspantay–Nókis” jónelisindegi avtobus qatnawı Porıltaw elatına alıp barıwshı asfalt joldaǵı kanaldan ótetuǵın kópir hám joldıń jaramsız jaǵdayǵa kelip qalǵanlıǵı menen baylanıslı qıyınshılıqlarǵa dus kelmekte. Búgingi kúnde bul kópirden avtotransport qurallarınıń ótiwi qáwipli bolıp qalǵan. Sol sebepli avtobus óz jónelisin tolıq ámelge asıra almay, jolawshılardı belgilengen manzilge jetkizbesten jolǵa túsirip ketiwge májbúr bolmaqta. Usı mashqala boyınsha Bozataw rayonı hákiminiń qurılıs, tosqınlıqlarsız ortalıq jaratıw, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı – Abadanlastırıw basqarması baslıǵı J.Xabibullaevqa deputatlıq soraw jiberildi, tez arada tiykarlı sheshim kútip qalamız.

Deputattıń maqseti aymaqtaǵı transport qatnawın jaqsılaw hám turǵınlarǵa qolaylıq jaratıwdan ibarat.

Qısqa hám anıq etip aytqanda:

Porıltaw elatına baratuǵın kópir hám joldı ońlaw yaki jańalaw

“Aspantay–Nókis” avtobus jónelisin tolıq hám qáwipsiz islewin támiyinlew

Jolawshılardı manzilge jetkiziw sapasın jaqsılaw

Turǵınlar ushın transport boyınsha qolaysızlıqlardı azaytıw
Bul mashqala arqalı kóterilip atırǵan tiykargı maqset — infrastrukturanı jaqsılap, xalıqtıń kúndelikli turmısına qolaylıq jaratıw hám qáwipsiz qatnawdı támiyinlew.