Xalıq deputatları Nókis rayonlıq Keńesine 3-sanlı «Shortanbay» saylaw okruginen saylanǵan O‘zLiDeP deputatı M.Orazımbetova «Qırantaw» awıl puqaralar jıyını aymaǵındaǵı «Aydın jol» kóshesi turǵınları menen ushrastı.

Ushrasıwda, deputat puqaralarǵa óziniń jasap turǵan aymaǵı, kóshesi hám úyi átirapları tazalıǵı hám abatlıǵına biyparq bolmaw kerekligi boyınsha túsinik jumısların alıp bardı.

Sol kúnniń ózinde «Aydın jol» kóshesi turǵınları menen birgelikte kósheni abadanlastırıw, salmalardı tazalaw hám terek nállerin egiw jumısları ámelge asırıldı.

Hár bir insan óz jámiyetine payda keltiriwge juwapker. Watanımızdıń hár bir jerin taza hám azada saqlawımız kerek. Perzentlerimizge de úy hám kósheniń tazalıǵı hám pákligi haqqında keń túsinikler beriw biziń wazıypamız. Átirapımızdıń tazalıǵı ózimizge beriletuǵın baha bolıp esaplanadı.