Xalq deputatlari Qo‘qon shahar Kengashi deputati Yu.To'ychiyev tomonidan yuborilgan deputatlik so‘rovi yuzasidan Qo‘qon shahar “Inson” ijtimoiy xizmatlar markazi tomonidan belgilangan tartibda rasmiy javob taqdim etildi.

Taqdim etilgan ma’lumotlarda bolalarning huquq va qonuniy manfaatlarini himoya qilish, ijtimoiy himoyaga muhtoj bolalarni qo‘llab-quvvatlash hamda zo‘ravonlikning oldini olish borasida 2026-yilning birinchi yarim yilligida amalga oshirilgan ishlar yuzasidan batafsil axborot berilgan.

Jumladan:
ota-ona qaramog‘idan mahrum bo‘lgan bolalarni aniqlash va ularga vasiy hamda homiy tayinlash;
bolalarni ijtimoiy himoya qilish va psixologik hamda yuridik yordam ko‘rsatish;
oilaviy bolalar uylarini qo‘llab-quvvatlash;
zo‘ravonlikdan jabrlangan bolalarni himoya qilish hamda profilaktika tadbirlarini kuchaytirish bo‘yicha amalga oshirilgan ishlar yoritilgan.

Xalq deputatlari Qo‘qon shahar Kengashi deputati tomonidan taqdim etilgan javobdagi ma’lumotlar o‘rganilib, bolalar manfaatlarini himoya qilish, ularning huquqlarini ta’minlash hamda ijtimoiy himoya tizimi samaradorligini yanada oshirish masalalari yuzasidan tegishli nazorat ishlari davom ettiriladi.

Xalq deputatlari Qo‘qon shahar Kengashi