Termiz tumani IIB boshlig‘ining hisoboti ko‘rib chiqildi

Xalq deputatlari Termiz tuman Kengashining navbatdagi sessiyasida 2026-yil 24-iyuldagi “Ichki ishlar organlarining jinoyatchilikka qarshi kurashish va huquqbuzarliklar profilaktikasi” yo‘nalishida 2026-yilning II choragi davomida amalga oshirilgan ishlar yuzasidan Termiz tuman Ichki ishlar bo‘limi boshlig‘ining hisoboti to‘g‘risidagi VII-21-100-8-117-K/26-sonli qarori qabul qilindi.

Sessiya davomida tumanda jinoyatchilikning oldini olish, huquqbuzarliklar profilaktikasini kuchaytirish, jamoat tartibini saqlash hamda fuqarolarning xavfsizligini ta’minlash borasida II chorak davomida amalga oshirilgan ishlar yuzasidan hisobot tinglandi.

Muhokamalar yakunida hisobot deputatlar tomonidan atroflicha ko‘rib chiqilib, mavjud muammolarni bartaraf etish, profilaktik tadbirlar samaradorligini yanada oshirish hamda tegishli tashkilotlar bilan hamkorlikni kuchaytirishga qaratilgan vazifalar belgilandi. Kun tartibidagi masala yuzasidan tegishli qaror qabul qilindi.

Xalq deputatlari Termiz tuman Kengashi deputatlari tomonidan ushbu yo‘nalishdagi ishlar ijrosi doimiy nazoratda bo‘ladi.