Termiz tumanida qonuniylik va huquqbuzarliklarning oldini olish masalalari muhokama qilindi

Xalq deputatlari Termiz tuman Kengashining 2026-yil 24-iyuldagi navbatdagi sessiyasida tumanda qonuniylikni mustahkamlash, fuqarolarning huquq va erkinliklarini ishonchli muhofaza qilish, jinoyatchilik hamda huquqbuzarliklarning oldini olish borasida amalga oshirilgan ishlar yuzasidan tuman prokurorining axboroti eshitildi.

Shuningdek, O‘zbekiston Respublikasi Prezidentining 2025-yil 3-yanvardagi PQ-1-sonli qarori ijrosi doirasida amalga oshirilayotgan ishlar ham atroflicha muhokama qilinib, mas'ul tashkilotlarga tegishli vazifalar belgilab berildi.

Muhokamalar yakunida “Termiz tumanida qonuniylikni mustahkamlash, fuqarolarning huquq va erkinliklarini muhofaza qilish, jinoyatchilik hamda huquqbuzarliklarning oldini olish borasida amalga oshirilgan ishlar, shuningdek O‘zbekiston Respublikasi Prezidentining 2025-yil 3-yanvardagi PQ-1-sonli qarori bo‘yicha tuman prokurorining axboroti to‘g‘risida”gi VII-21-102-8-117-K/26-sonli qaror qabul qilindi.

Mazkur qaror bilan huquqbuzarliklarning oldini olish, jinoyatchilikka qarshi kurashish samaradorligini oshirish, fuqarolarning huquq va manfaatlarini himoya qilish hamda qonunchilik ijrosini ta'minlash yuzasidan aniq chora-tadbirlar belgilandi.