Xalq deputatlari Zarbdor tuman Kengashiga 3-Yangiobod saylov okrugidan saylangan deputat Murtaz Gaipov boshchiligidagi O‘zLiDeP deputatlik guruhi tomonidan hududdagi ijtimoiy himoyaga muhtoj fuqarolarni qo‘llab-quvvatlashga qaratilgan amaliy ishlar davom ettirilmoqda.
Xususan, hududda yashovchi nogironligi bo‘lgan fuqarolardan birining murojaati va ehtiyoji o‘rganilib, unga nogironlik aravachasi topshirildi.
Mazkur amaliy yordam fuqaroning kundalik hayotini yengillashtirish, uning ijtimoiy faolligini oshirish hamda munosib turmush kechirishiga ko‘maklashishga qaratildi.
✅Aholining ijtimoiy himoyaga muhtoj qatlamlarini qo‘llab-quvvatlash, ularning muammolariga yechim topish va manzilli yordam ko‘rsatish deputatlik faoliyatining muhim yo‘nalishlaridan biri hisoblanadi.