Xalq deputatlari Zarbdor tuman Kengashiga 3-Yangiobod saylov okrugidan saylangan deputat Murtaz Gaipov boshchiligidagi O‘zLiDeP deputatlik guruhi tomonidan “Keksalarga mehr” aksiyasi doirasida hududdagi ijtimoiy himoyaga muhtoj fuqarolar hamda keksa avlod vakillari holidan xabar olindi.
🏠Tashriflar davomida fuqarolarning yashash sharoiti o‘rganilib, ularni qiynab kelayotgan ijtimoiy masalalar yuzasidan muloqotlar o‘tkazildi. Ayniqsa, keksalar, nogironligi bo‘lgan shaxslar va ijtimoiy ko‘makka muhtoj oilalarga alohida e’tibor qaratildi.
Xususan, Sharq yulduzi mahallasida istiqomat qiluvchi bir guruh nuroniylarga oziq-ovqat mahsulotlari hamda zarur dori-darmon vositalari yetkazilib, manzilli amaliy yordam ko‘rsatildi.
✅Mazkur aksiya aholini ijtimoiy qo‘llab-quvvatlash, mehr-oqibat va insonparvarlik tamoyillarini mustahkamlashga xizmat qilmoqda.