Xalq deputatlari Jondor tumani Kengashiga 21-Po‘loti saylov okrugidan saylangan deputat Q.Safarov hamda tuman Kengashi bosh mutaxassisi R.Murodovlar hamkorligida “Navgadi” mahallasi hududida joylashgan buyum bozorida aholi  uchun eng zarur mahsulotlar narx-navosi hamda mahsulotlar ta’minoti holati o‘rganildi.
✔️O‘rganish jarayonida kundalik ehtiyoj uchun zarur bo‘lgan mahsulotlarning bozordagi mavjudligi, narxlar barqarorligi, savdo jarayonlarida sanitariya qoidalariga rioya etilishi hamda aholi uchun yaratilgan sharoitlarga alohida e’tibor qaratildi.
✔️Shuningdek, sotuvchilar va fuqarolar bilan muloqot qilinib, mahsulotlar narxi, sifat darajasi va ta’minot bilan bog‘liq fikr-mulohazalar tinglandi. Ayrim mahsulotlar narxining o‘zgarishiga ta’sir etuvchi omillar muhokama qilinib, aholi manfaatlarini ta’minlash maqsadida taklif va tavsiyalar berildi.
✔️O‘rganish yakunida bozorda aholi ehtiyojlari uchun asosiy turdagi mahsulotlar yetarli ekani, shu bilan birga narxlarni sun’iy oshirish holatlarining oldini olish, mahsulotlar sifatini doimiy nazorat qilib borish muhimligi ta’kidlandi.
✔️Bu kabi o‘rganishlar aholini arzon va sifatli mahsulotlar bilan ta’minlash, bozorlarda sog‘lom raqobat muhitini shakllantirish hamda fuqarolar murojaatlarini joyida hal etishga xizmat qilmoqda.