Xalq deputatlari Qo‘shko‘pir tuman kengashining VII chaqiriq 29-sessiyasi bo‘lib o‘tdi

Sessiyada xalq deputatlari Qo‘shko‘pir tuman kengashi deputati, tuman hokimi Shuxrat Axmedov, tuman kengashi deputatlari hamda tegishli idora-tashkilot rahbarlari ishtirok etdi. Sessiyani xalq deputatlari Qo‘shko‘pir tuman kengashi raisi Maxmud Tangriberganov boshqarib bordi.
Kun tartibida “Infratuzilma va ijtimoiy barqarorlik” jamg‘armasi mablag‘larini ajratish, Inson ijtimoiy xizmatlar markazi faoliyati yuzasidan hisobot hamda O‘zbekiston Respublikasi Prezidentining 2024-yil 8-noyabrdagi PQ‑389‑sonli “Nogironligi bo‘lgan shaxslarni sportga jalb etish orqali jismoniy reabilitatsiya qilish tizimini takomillashtirish bo‘yicha qo‘shimcha chora-tadbirlar to‘g‘risida”gi qarorining tumandagi ijrosi to‘g‘risidagi masalalar ko‘rib chiqildi.
Sessiya yakunida barcha masalalar yuzasidan tegishli qarorlar qabul qilindi.