Suhbat davomida yoshlarni jamiyat va davlat boshqaruvida faol ishtirok etishga keng jalb qilish, ularning tashabbuslarini qo‘llab-quvvatlash hamda yoshlarga oid masalalarni hal etishda yoshlarning fikr va takliflarini inobatga olish muhimligi ta’kidlandi.

Shuningdek, norma ijodkorligi jarayonida yoshlarning faol ishtirokini ta’minlash, xususan, yoshlarga oid qaror loyihalarini ishlab chiqish, ularni muhokama qilish va takliflar bildirishda Yoshlar maslahat guruhi a’zolarining rolini yanada oshirish masalalari muhokama qilindi.

Muloqot jarayonida yoshlarning huquqiy va siyosiy bilimlarini oshirish, ularni jamoatchilik ishlariga keng jalb etish, tashabbuskor va faol yoshlarni qo‘llab-quvvatlash borasida amalga oshirilishi lozim bo‘lgan vazifalar yuzasidan fikr almashildi.

Yoshlarning qonun ijodkorligi va qarorlar qabul qilish jarayonidagi ishtiroki ularning manfaatlarini ifoda etish, joylardagi dolzarb masalalarga yechim topish hamda yoshlar siyosati samaradorligini oshirishda muhim ahamiyat kasb etadi.