Deputatlar mahalla yettiligi bilan ustuvor yo‘nalishlar bo‘yicha uchrashdi

👤 Xalq deputatlari Sherobod tumani Kengashi 13-Qo‘shtegirmon saylov okrugi deputati N. Saidova tomonidan deputatlik faoliyatining ustuvor 24 yo‘nalishi doirasida “Qo‘rg‘on” mahalla fuqarolar yig‘ini mahalla yettiligi faoliyati joyiga chiqib o‘rganildi.

🇺🇿 Yurtimiz mustaqilligining 35 yilligini “Yagona Vatan, yagona xalq bo‘lib, yangi hayot va kelajak yaratamiz” g‘oyasi ostida munosib kutib olish, mahallada bunyodkorlik va obodonlashtirish ishlarini jadallashtirish, bu jarayonlarda fuqarolarning faol ishtiroki va tashabbuskorligini oshirish masalalariga alohida e’tibor qaratildi.

🤝 O‘rganish davomida mahalladagi mavjud muammolar, ularning yechimlari hamda mahalla yettiligi faoliyati yuzasidan fikr almashildi. Fuqarolarning murojaatlari bevosita tinglanib, ko‘tarilgan masalalar atroflicha o‘rganildi. Murojaatlarda bayon etilgan muammolarni hal etish yuzasidan tegishli mas’ullarga deputatlik so‘rovlari yuborildi.

📊 Jumladan, aholi bandligini ta’minlash, tomorqalardan unumli foydalanish, kam ta’minlangan va ko‘makka muhtoj oilalarni ijtimoiy qo‘llab-quvvatlash, mahallani obodonlashtirish hamda xotin-qizlar bilan bog‘liq muammolarni hal etish masalalari muhokama qilindi.

🔎 Ayniqsa, aholi bandligini ta’minlash, tomorqalardan samarali foydalanish orqali oilalar daromadini oshirish, ehtiyojmand oilalarni qo‘llab-quvvatlash va mahalladagi mavjud imkoniyatlardan samarali foydalanish masalalariga e’tibor qaratildi.

📝 O‘rganish yakunida aniqlangan muammolar va fuqarolar murojaatlari bo‘yicha mas’ul tashkilotlarga tegishli topshiriq va takliflar kiritish, yuborilgan deputatlik so‘rovlarining ijrosini nazoratga olish hamda mahalla yettiligi bilan hamkorlikdagi ishlarni izchil davom ettirish belgilab olindi.