Xususan, bugungi kunda mahallada yo‘l infratuzilmasini yaxshilash ishlari jadallik bilan olib borilmoqda. Tuman Yo‘llardan foydalanish davlat muassasasi xodimlari tomonidan D169 avtomobil yo‘lining mahalla hududidan o‘tuvchi 30–33-kilometr oralig‘ida asfalt qoplamasi yotqizilmoqda.
Mazkur ishlar transport qatnovi xavfsizligi va qulayligini oshirish, shuningdek, mahalla aholisining kundalik hayot sifatini yaxshilashga xizmat qiladi. Hududni zamonaviy qiyofaga keltirish borasidagi bunyodkorlik ishlari belgilangan reja asosida davom ettirilmoqda.