#tavsiyalar_asosida

Xalq deputatlari Kogon shahar Kengashi raisi A. Yangiyev tashabbusi bilan Kogon shahridagi harbiy qismda ma’naviy-ma’rifiy tadbir tashkil etildi.

 Unda harbiy xizmatchilar ishtirok etib, buyuk ajdodimiz Zahiriddin Muhammad Boburning “Boburnoma” asari hamda xalqimizning bebaho ma’naviy merosi hisoblangan “Alpomish” dostoni mazmun-mohiyatini chuqur o‘rganish masalalari yuzasidan targ‘ibot ishlari olib borildi.

Tadbir davomida ushbu asarlarda aks etgan vatanparvarlik, mardlik, jasorat va yuksak insoniy fazilatlar haqida so‘z yuritilib, ularning yoshlar tarbiyasidagi o‘rni alohida ta’kidlandi. Ishtirokchilar o‘zlarini qiziqtirgan savollarga javob olib, milliy adabiy merosimizni yanada kengroq o‘rganish bo‘yicha fikr almashdilar.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash