Qo‘shko‘pirlik yosh sportchilarning O‘zbekiston chempionatidagi munosib ishtiroki va qo‘lga kiritgan yutuqlari barchamiz uchun yuksak faxr va g‘ururdir.
Toshkent shahrida o‘tkazilgan sportning Ushu turi bo‘yicha mamlakat chempionatida tumanimiz vakillarining sovrindorlar safidan joy olgani — yoshlarimizning qat’iyati, murabbiylarning fidokorona mehnati hamda yurtimizda sportga qaratilayotgan yuksak e’tiborning amaliy natijasidir.
Ayniqsa, Sobirova Zuxraxon va Komiljonov Elbekning kumush medal, Kenjayeva Dilnura hamda Farxodbekova Gulinozning bronza medalni qo‘lga kiritgani Qo‘shko‘pir yoshlari har qanday maydonda munosib raqobat qila olishini yana bir bor namoyon etdi.
Xalq deputatlari Qo‘shko‘pir tuman Kengashi deputati sifatida barcha sportchilarimizni, ularning ota-onalari va murabbiylarini ushbu muvaffaqiyat bilan samimiy muborakbod etaman. Kelgusida xalqaro maydonlarda ham Vatanimiz bayrog‘ini baland ko‘tarasizlar.
Anvar Jumaniyazov,
Xalq deputatlari Qo‘shko‘pir tuman Kengashi deputati