Kengash faoliyatidan
Xalq deputatlari Qo‘shko‘pir tuman Kengashi tomonidan hududda fuqarolarning ijtimoiy himoyasini kuchaytirish, aholi manfaatlarini ta’minlash hamda qonunlar ijrosini samarali nazorat qilish borasida tizimli ishlar olib borilmoqda.
Jumladan, tuman Kengashi kotibiyati xodimlari, deputat A. Erkinov hamda kotibiyat bosh mutaxassisi S. Matyaqubovalar tomonidan Pensiya jamg‘armasi Qo‘shko‘pir tuman bo‘limida “Fuqarolarning davlat pensiya ta’minoti to‘g‘risida”gi 1993-yil 3-sentabrdagi №938-XII-sonli O‘zbekiston Respublikasi Qonunining ijrosi yuzasidan o‘rganish ishlari amalga oshirildi.
O‘rganish davomida fuqarolarning pensiya ta’minoti sohasida olib borilayotgan ishlar, aholiga ko‘rsatilayotgan xizmatlar sifati hamda qonunchilik ijrosining amaldagi holati tahlil qilindi.
Xalq deputatlari tuman Kengashi tomonidan bu kabi nazorat tadbirlari aholi farovonligini oshirish, inson qadri va ijtimoiy himoyani ta’minlash yo‘lidagi ustuvor vazifalarning amaliy ifodasi sifatida izchil davom ettirilmoqda.