Ushbu o‘rganish tadbiri Xalq deputatlari shahar Kengashi deputati Faxriddin Matasimov hamda Kengash Kotibiyati mudiri, deputat Sevar Qodirova tomonidan maxsus tuzilgan savolnoma va qonunchilik talablari asosida olib borildi.

🔍 O‘rganish davomida asosiy e’tibor qaratilgan masalalar:
♻️Qonun bandlarining joylarda to‘liq va aniq ijro etilishi, pensiya tayinlash va qayta hisoblash tartiblariga rioya qilinishi;
♻️Aholiga, ayniqsa nuroniylar va imkoniyati cheklangan shaxslarga yaratilgan sharoitlar, raqamlashtirish tizimining samaradorligi;
♻️Fuqarolardan kelib tushayotgan murojaatlar, ularning o‘z vaqtida va qonuniy hal etilishi.

📌 Kelgusi qadamlar:
O‘rganish jarayonida aniqlangan masalalar, to‘plangan ma’lumotlar hamda fuqarolar manfaatlarini himoya qilishga qaratilgan takliflar atroflicha tahlil qilindi. To‘plangan barcha hujjatlar va xulosalar kelgusida ko‘rib chiqish hamda tegishli choralar belgilash uchun Kengashning mahalliy budjet doimiy komissiyasiga taqdim etildi.
Fuqarolarning ijtimoiy himoyasi va pensiya ta’minoti tizimini yanada takomillashtirish xalq vakillarining doimiy diqqat-markazida qoladi.