ICHKI ISHLAR BO‘LIMINING HISOBOTI ESHITILDI

Xalq deputatlari Sho‘rchi tumani Kengashining VII chaqiriq yigirma to‘rtinchi sessiyasida kun tartibidagi masala yuzasidan Sho‘rchi tumani Ichki ishlar bo‘limining huquqbuzarliklar profilaktikasi, jamoat tartibini saqlash va fuqarolar xavfsizligini ta’minlash borasida 2026-yilning 9 oyi davomida amalga oshirilgan ishlari to‘g‘risidagi hisoboti eshitildi.

Hisobotda tumanda huquqbuzarliklarning oldini olish, jamoat tartibini saqlash, jinoyatchilikka qarshi kurashish, fuqarolar xavfsizligini ta’minlash hamda mahallalarda osoyishtalikni mustahkamlash yo‘nalishlarida amalga oshirilgan ishlar yuzasidan axborot berildi.

Shuningdek, huquqbuzarliklarning barvaqt oldini olish, muammoli mahallalarda profilaktik tadbirlar samaradorligini oshirish, yoshlar o‘rtasida qonunbuzilish holatlarining oldini olish hamda tegishli tashkilotlar bilan hamkorlikni kuchaytirish masalalariga e’tibor qaratildi.

Sessiyada ushbu yo‘nalishdagi ishlarni yanada takomillashtirish, aniqlangan muammolarni bartaraf etish va fuqarolar uchun xavfsiz muhitni ta’minlash muhimligi ta’kidlandi.

Jamoat xavfsizligi va qonun ustuvorligini ta’minlash — tinch va osoyishta hayotning muhim garovidir.

✍️Xalq deputatlari Sho‘rchi tumani Kengashi Matbuot xizmati